Puyat at Tugma

                                                Matutulog akong walang unan
                                                sa kama kong masikip
                                                at malamig, at maingay
                                                ang nag-iiyakang mga kuliglig
                                                na nagbabantay sa'king ulunan.

                                                Buhay ang ilaw sakaling maalimpungatan
                                                nang hindi malunod sa dilim,
                                                at bukas ang pinto, ang bintana sa hangin
                                                para sa buntong-hiningang huhugutin
                                                ng dibdid kong mayro'ng dagan.

                                                Bahala na kung managinip
                                                at makabangon ang isip
                                                sa aking paghilik, sa aking paghipig
                                                mula sa kawalan ng malay
                                                at himbing ng higang pakanluran.

                                                Hindi na rin ako nag-magandang gabi
                                                sapagkat wala ring magandang araw
                                                kung magising man, kung magisnan
                                                ang ikinumot kong pag-asam
                                                na sana'y bukas umiiyak kang dumadalaw.
_____________________________________
photo courtesy of janemorrispack.com

12 comments:

  1. "Hindi na rin ako nag-magandang gabi
    sapagkat wala ring magandang araw"

    aaaw! :(

    at nawala naman ako kapatid sa "paghipig"?
    may munti naman akong galing sa pag-unawa ng malalim na Tagalog ngunit tila yatang nawala ako sa "paghipig"???

    ReplyDelete
    Replies
    1. ma'am ang paghipig dito sa amin ay pagtulog. parang ganun. pero parang pauso ko lang.

      Delete
  2. Bakit? parang malungkot at natatakot ka sa tula mo nato. Ang lalim ng mga kataga mo. Hi red finalow ko na ang blog mo. :)

    ReplyDelete
    Replies
    1. salamat sa follow sir! ni-link na rin kita.

      Hindi po malungkot yan. Antok lang. :)

      Delete
  3. magandang gabi kabayan (kahit ala ka sa mood..hehe). higang pakanluran talaga? iba ang ibig sabihin nyan sa atin di ga? gawin mo na laang pa-silangan, pangontra. ;)

    ReplyDelete
    Replies
    1. hehe. wala lang yan.

      salamat sa komento kabayan.

      Delete
  4. Replies
    1. salamat. marami pa akong kakaining bigas. pero salamat..

      Delete
  5. ang lalim pero mahusay ang pagkakabuo sa mga salita...

    Nagustuhan ko ung pagkakalahad mo sa tula... keep on writing ^^

    like ko din ang line na ito

    "Hindi na rin ako nag-magandang gabi
    sapagkat wala ring magandang araw"

    ReplyDelete
    Replies
    1. salamat at nagustuhan n'yo sir. pagbubutihan ko sa susunod at dadalas dalasan ang pag-post.

      salamat ulit..

      Delete
  6. Di ako alam kung sinadya mo yung pag-iisipin mo ang iyong mambabasa tungkol sa ipinapahiwatig mong persona. Yung bahagi na (bukas umiiyak "kang" dadalaw, napaisip mo ako dito. Sino ang dadalaw na umiiyak? Si puyat o yung nagdudulot sa 'yo ng puyat? Nahusayan ako dito talaga. Galing!

    Medyo naalangan lang ako sa tugma. :)

    Magandang araw po.

    ReplyDelete
    Replies
    1. Hindi ko sinasadya magpaisip sa nagbabasa. Kahit ako napapaisip kapag nagbabasa ng mga nasulat ko. Hinahayaan ko lang ang daloy ng mga salita. Inaayos. pinagdudugtong. ang ending tinatanong ko rin ang kahulugan nito.

      Delete